חינוך
צוגרייטן דעם קומענדיגן דור
מבצע 9 פון 10
געבן קינדער א שטארקן אידישן חינוך איז דער יסוד פון דער צוקונפט. זיי לערנען תורה און מצוות פארזיכערט אז דער קומענדיגער דור וועט לעבן מיט שטארקייט און א ציל.
א טיפערער בליק
וואס איז דער סוד פון אידישן איבערלעבן? ווי אזוי לעבן מיר נאך און בליען נאך דור נאך דור פון גירושים, אונטערדריקונג און פרואוון פון פארטיליגונג? דאס אידישע פאלק איז די מערסט-דערפאלגרייכע פיל-דורית'דיגע פראנטשייז אין דער היסטאריע, און דאס איז אלץ א דאנק אונזער איבערגעגעבנקייט צום אידישן חינוך. עס איז דער פארבינד צווישן פארגאנגענהייט, קעגנווארט און צוקונפט.
פאר דעם וואס דער אויבערשטער האט אונז געגעבן די תורה אויף הר סיני, האט ער געבעטן ביי דעם אידישן פאלק ערבים צו פארזיכערן אז די תורה זאל נישט פארלאזט ווערן. די אידן האבן פארגעלייגט זייערע זקנים און לומדים, אבער דער אויבערשטער איז נישט געווען צופרידן. צום סוף האבן זיי געזאגט, “אונזערע קינדער וועלן זיין אונזערע ערבים.” דריי-טויזנט-פלוס יאר שפעטער זענען מיר נאך אלץ ביי אונזער מיסיע, נאך אלץ לערנען עס אונזערע קינדער און יעדן אנדערן.
בשעת אידישער חינוך קאנצענטרירט זיך דער עיקר ארום די יונגע, גייט די מצוה אן צו לערנען סיי וועמען, אנהייבנדיג מיט זיך אליין. כדי צו באגייסטערן אנדערע, דארפן מיר צוערשט באגייסטערן זיך אליין. התלהבות איז אנשטעקנדיג!
אה… און אגב… אידישער חינוך הערט זיך נישט אויף מיט קינדער, דערוואקסענע קענען אויך עפּעס באקומען ;)